Бээжингийн Их СургуулийнМонгол Оюутны Холбоо

Танилцуулга

Бид хэн бэ

Холбоо юуны төлөө байгуулагдсан, хэрхэн зохион байгуулагддаг, ямар замыг туулсныг эндээс уншаарай.

Бидний тухай

Монгол Оюутны Холбоо

Хятадаар: 北京大学蒙古国留学生学生会

Бээжингийн Их Сургуулийн Монгол Оюутны Холбоо нь Бээжингийн Их Сургуульд суралцаж буй Монгол Улсын иргэн оюутнуудын сайн дурын үндсэн дээр байгуулагдсан оюутны байгууллага юм.

Гишүүдийн хамтын ажиллагаа, эв нэгдэл, харилцан туслалцааг дэмжихийн зэрэгцээ Монгол оюутнуудын эрх ашгийг хамгаалах, соёл, боловсролын хөгжилд дэмжлэг үзүүлэх, Монголын түүх, соёл, уламжлалыг сурталчлах чиглэлээр үйл ажиллагаа явуулдаг.

Бээжингийн Их Сургуульд суралцаж буй Монгол Улсын иргэн бүх түвшний оюутан — хэлний бэлтгэл, бакалавр (Эмнэлгийн сургуулийг оролцуулан), магистр, доктор — Холбооны гишүүн. Тусгайлан бүртгүүлэх шаардлагагүй. Монгол Улсаас түр хугацаагаар суралцахаар ирсэн оюутнууд ажиглагч гишүүн байна.

Холбоо бүх үйл ажиллагаагаа Үндсэн дүрмийнхээ дагуу явуулдаг. Бүрэн эхийг хэн ч уншиж, татаж авах боломжтой.

Эрхэм зорилго

Монгол оюутнуудыг нэгтгэж, тэдний эрх ашиг, сайн сайхан байдал, хөгжлийг дэмжсэн тогтвортой, хариуцлагатай, хүртээмжтэй оюутны байгууллагыг төлөвшүүлэх.

Зорилтууд

Үндсэн зорилтууд

  1. Монгол оюутнуудын эрх ашгийг хамгаалах
  2. Харилцан ойлголцол, эв нэгдэл, хамтын ажиллагааг дэмжих
  3. Оюутнуудын соёл, боловсролын хөгжилд дэмжлэг үзүүлэх
  4. Шинээр элссэн оюутнуудыг Бээжин болон Бээжингийн Их Сургуульд дасан зохицоход дэмжих
  5. Монголын түүх, соёл, уламжлалыг сурталчлах
  6. Эрүүл, идэвхтэй амьдралын хэв маягийг дэмжих
  7. Бусад оюутны байгууллага болон холбогдох байгууллагуудтай хамтран ажиллах
Үнэт зүйлс

Биднийг юу холбодог вэ

  • Эв нэгдэлБид нэг нэгнийхээ төлөө.
  • ХариуцлагаХэлсэндээ хүрч, хийсэн ажлаа тайлагнана.
  • ХүндэтгэлХүн бүрийн санаа бодлыг сонсоно.
  • Ил тод байдалШийдвэр нь гишүүдэд нээлттэй.
  • Хамтын ажиллагааБусад холбоо, байгууллагатай хамтарна.
  • Тасралтгүй хөгжилЖилээс жилд өсөж дэвшинэ.
Бүтэц

Хэрхэн зохион байгуулагддаг вэ

  • Тэргүүн

    Холбооны өдөр тутмын үйл ажиллагааг удирдан чиглүүлж, Холбоог дотоод болон гадаад харилцаанд төлөөлнө.

  • Удирдах Зөвлөл

    Холбооны үйл ажиллагааг хянана.

  • Дотоод хэлтэс

    Гишүүдийн хоорондын харилцаа, шинэ оюутныг угтах, холбооны дотоод арга хэмжээ.

  • Гадаад хэлтэс

    Бусад холбоо, их сургууль, байгууллагатай тогтоох хамтын ажиллагаа.

  • Сургалтын хэлтэс

    Хичээл, сургалт, мэдээлэл, судалгааны дэмжлэг.

  • Медиа хэлтэс

    Мэдээ, зураг, сошиал сувгууд болон цахим хуудас.

  • Эрх зүйн хэлтэс

    Үндсэн дүрэм, баримт бичгийн стандарт, дүрэмтэй нийцэл, архив.

Хэлтэс бүр өөрийн чиг үүргийн хүрээнд ажлаа төлөвлөж, хэрэгжүүлнэ. Хэлтсийн дарга нь хэлтсийнхээ ажлыг удирдан зохион байгуулж, Тэргүүнд тайлагнана.

Одоогийн удирдлагын баг
Жилийн хуваарь

Жил бүр юу болдог вэ

  • Намрын улирал, 2-р долоо хоног

    Холбооны сонгууль. Сонгуулийн хороо зохион байгуулж, шинэ Тэргүүнийг зарлана.

    Үндсэн дүрэм, 40.1

  • Намрын улирал, 3-р долоо хоног

    Их Хуралдаан. Үндсэн дүрмийг гишүүдэд танилцуулж, шинэ удирдлага, хэлтсийн гишүүд гарын үсэг зурж ажлаа хүлээн авна.

    Үндсэн дүрэм, 17.1, 18.1

  • Улирал бүр

    Хэлтсүүд хийсэн ажлынхаа тайланг Тэргүүн, Удирдах Зөвлөлд танилцуулна. Удирдах Зөвлөл хуралдана.

    Үндсэн дүрэм, 21.3, 23.4

  • Хаврын улирал, 14-р долоо хоног

    Дараа жилийн сонгуулийг зохион байгуулах Сонгуулийн хороо байгуулагдана.

    Үндсэн дүрэм, 41.1

Түүх

Замнал

  • Холбооны Үндсэн дүрмийн анхны хувилбар батлагдав — 13 бүлэг, 48 зүйл, 204 заалт.

  • Үндсэн дүрмийн анхдугаар шинэчилсэн найруулгыг баталж, 13 бүлэг, 53 зүйл, 247 заалттай болгов.

  • Сонгуулийн журам батлагдав — Тэргүүн, хэлтсийн дарга, хэлтсийн гишүүдийг сонгох журам.

  • 2026–2027 оны хичээлийн жилийн сонгууль болж, шинэ удирдлага ажил үүргээ хүлээн авав.

Үндсэн дүрэм

Холбооны Үндсэн дүрэм

Үндсэн дүрэм — Анхдугаар шинэчилсэн найруулга

2025 оны 11 дүгээр сарын 8-нд батлагдсан · 13 бүлэг, 53 зүйл, 247 заалт

PDF · 27 хуудас · 0.6 МБ

Унших (PDF, шинэ цонхонд) Татаж авах (PDF, 0.6 МБ)

Бүлгүүд

  1. Ерөнхий үндэслэл1–5-р зүйл
  2. Зорилго6–7-р зүйл
  3. Гишүүнчлэл8–15-р зүйл
  4. Их Хуралдаан16–19-р зүйл
  5. Холбооны бүтэц20–23-р зүйл
  6. Санхүү24–27-р зүйл
  7. Ёс зүй28–30-р зүйл
  8. Хамтын ажиллагаа ба олон нийттэй харилцах31–32-р зүйл
  9. Хурал33–35-р зүйл
  10. Хяналт ба удирдлага36–37-р зүйл
  11. Дотоод журам ба үйл ажиллагааны дэг38–39-р зүйл
  12. Сонгууль40–47-р зүйл
  13. Бусад заалт48–53-р зүйл

Холбооны албан ёсны баримт бичиг Монгол хэл дээр байна (5.1). Гишүүн бүр Холбооны бүх мэдээлэлд нээлттэй хандах эрхтэй (10.1.4). Үндсэн дүрэмд өөрчлөлт оруулах саналаа Холбоонд албан ёсоор гаргана (50.1).